12, జనవరి 2020, ఆదివారం

సరిలేరు నీకెవ్వరు : మూవీ రివ్యూ


Mahesh Babus Sarileru Neekevvaru Telugu Movie Review And Rating - Sakshi
Rating: 
మూవీ: సరిలేరు నీకెవ్వరు
జానర్‌: కమర్షియల్‌ మాస్‌ ఎంటర్‌టైనర్‌
నటీనటుల: మహేశ్‌బాబు, విజయశాంతి, రష్మిక మందన, ప్రకాష్‌రాజ్‌, రాజేంద్రప్రసాద్‌, సంగీత
సంగీతం: దేవిశ్రీప్రసాద్‌
దర్శక​త్వం: అనిల్‌ రావిపూడి
నిర్మాతలు: రామబ్రహ్మం సుంకర, దిల్‌రాజు, మహేశ్‌బాబు

సంక్రాంతి పండుగ సీజన్‌లో ఆడియెన్స్‌ను ఎంటర్‌టైన్‌ చేయడానికి వచ్చిన మరో బిగ్‌ మూవీ ‘సరిలేరు నీకెవ్వరు’. సూపర్ స్టార్ మహేశ్‌ బాబు, సక్సెస్ ఫుల్ డైరెక్టర్ అనిల్ రావిపూడి క్రేజీ కాంబినేషన్‌లో తెరకెక్కిన ఈ సినిమాతో లేడీ సూపర్‌స్టార్‌ విజయశాంతి 13ఏళ్ల తర్వాత రీ ఎంట్రీ ఇచ్చారు. భరత్ అనే నేను, మహర్షి వంటి హిట్స్ తర్వాత మహేశ్‌ నటిస్తున్న సినిమా కావడం.. పటాస్ నుంచి ఎఫ్2 వరకు కమర్షియల్ పంథాలో సినిమాలు తీస్తూ హిట్స్ ఇస్తున్న అనిల్ రావిపూడి డైరెక్ట్ చేయడం.. ఔట్ అండ్ ఔట్ యాక్షన్ ఎంటర్‌టైనర్‌గా టీజర్‌, ట్రైలర్, పాటలు ఆకట్టుకోవడం.. సంక్రాంతి సీజన్‌లో వస్తుండటంతో ‘సరిలేరు నీకెవ్వరు’ సినిమాపై భారీ అంచనాలు నెలకొన్నాయి. సరదాల పండుగ వేళ వస్తున్న ఈ బొమ్మ అదిరిపోవడం ఖాయమని ఫ్యాన్స్ భావిస్తున్నారు. మరి బాక్సాఫీస్ బరిలో సరిలేని జోరుతో ఈ బొమ్మ నెవ్వర్ బిఫోర్.. ఎవ్వర్ ఆఫ్టర్ అనిపించుకుందా..
 
కథ: కర్నూలు వైద్యకళాశాలలో ప్రొఫెసర్‌గా పనిచేసే భారతి (విజయశాంతి) చాలా నిక్కచ్చి, నిజాయితీగల వ్యక్తి. తప్పును ఎప్పుడూ రైట్‌ అని టిక్‌ చేయదు. ఆమె పెద్ద కుమారుడు ఆర్మీలో పనిచేస్తూ దేశం కోసం​ అమరుడవుతాడు. రెండో తనయుడు కూడా ఆర్మీలోనే ఉంటూ ఓ ఆపరేషన్‌లో గాయపడి.. చావుబతుకుల మధ్య ఉంటాడు. ఓవైపు కూతురికి పెళ్లి నిశ్చయమై.. ఆర్మీలోని కొడుకు రాక కోసం భారతి ఎదురుచూస్తున్న సమయంలో ఇలాంటి విషాదవార్తను చేరవేయాల్సి రావడంతో.. నైతిక కట్టుబాటుగా మేజర్‌ అజయ్‌ (మహేశ్‌బాబు)ను దగ్గరుండి పెళ్లి చేయించి.. ఈ వార్త చేరవేయాల్సిందిగా ఆర్మీ అధికారులు కర్నూలుకు పంపిస్తారు. అప్పటికే తన బాబాయి కొడుకు రవి మర్డర్‌ నేపథ్యంలో కర్నూలులో స్థానిక మినిష్టర్‌ నాగేంద్ర (ప్రకాశ్‌రాజ్‌) వల్ల భారతి చిక్కుల్లో పడుతుంది. తన కుటుంబం ప్రాణాలను కాపాడుకునేందుకు పరిగెడుతోంది. ఈ క్రమంలో శక్తిమంతుడైన నాగేంద్ర నుంచి భారతిని  అజయ్‌ ఎలా కాపాడారు.  ఈ మర్డర్‌ మిస్టరీని ఛేదించి ఎలా మంత్రిని మార్చాడు అన్నది మిగతా కథ..

నటీనటులు: సూపర్‌స్టార్‌ మహేశ్‌బాబు మరోసారి తన మ్యాజిక్‌ను తెరపై చూపాడు. ఎప్పటిలాగే తన హ్యాండ్‌సమ్‌ లుక్‌తో, సెటిల్డ్‌ యాక్టింగ్‌తో ప్రేక్షకులను చూపు తిప్పుకోనివ్వకుండా చేశాడు. కామిక్‌ టైమింగ్‌తో అలరించడమే కాదు యాక్షన్‌ పార్టులోనూ మహేశ్‌ దుమ్మురేపాడు. మహేశ్‌ ఎంట్రీ సీన్‌, తమన్నాతో ‘డాంగ్‌ డాంగ్‌ సాంగ్‌’లో ఎనర్జిటిక్‌ స్టెప్పులు, ఆర్మీ ఆపరేషన్‌ సీన్‌.. ‘మైండ్‌ బ్లాంక్‌’ పాటలో మాస్‌ స్టెప్పులతో ఇలా తనదైన పర్ఫార్మెన్స్‌తో మహేశ్‌ అలరించాడు. ఫస్టాప్‌లో రైలు జర్నీ సీన్లలోనూ పంచ్‌ డైలాగులు, కామెడీ సీక్వెన్‌తో నవ్వించాడు. కొండారెడ్డి బురుజు వద్ద ఇంటర్వెల్‌ బ్యాంగ్‌ సీన్‌లో యాక్షన్‌ పార్టు, మహేశ్‌ హీరోయిజం ఎలివేషన్‌ షాట్లు ఫ్యాన్స్‌ ను అలరిస్తాయి. ఇంటర్వెల్‌ బ్యాంగ్‌ పవర్‌ఫుల్‌గా ఉండటం ఫ్యాన్స్‌కు కిక్కు ఇస్తుంది. అల్లురి సీతారామరాజు సినిమాలోని సీన్‌ను సందర్భానుసారం వాడుకోవడం, సూపర్‌స్టార్‌ కృష్ణను గుర్తుచేయడం కూడా ప్రేక్షకులను ఆకట్టుకుంటుంది. అయితే, సెకండాఫ్‌ వచ్చేసరికి కథ పెద్దగా ఏమీ లేదని తేలిపోవడంతో మహేశ్‌ పాత్ర కొంచెం స్లో అయిపోతోంది. ఇక, చాలాకాలం తర్వాత తెరపై మీద కనిపించిన విజయశాంతి భారతిగా పవర్‌ఫుల్‌ పాత్రలో అలరించారు. ఆమె సహజమైన అభినయం, డైలాగ్‌ డెలివరీ సినిమాకు ఒకింత నిండుతనం తెచ్చాయి. నిజాయితీగా గల ప్రొఫెసర్‌గా, ఆర్మీలో కొడుకులను కోల్పోయిన తల్లిగా ఆమె అభినయం ప్రేక్షకుల్లో గౌరవభావాన్ని, కంటతడిని పెట్టిస్తాయి. ఇక, హీరోయిన్‌గా రష్మిక మందన్నా మహేశ్‌ సరసన తనదైన ఎనర్జిటిక్‌ యాక్టింగ్‌తో అలరించింది. మీకు ఏమైనా అర్థమవుతుందా.. ఐ యామ్‌ ఇంప్రెస్డ్‌.. వంటి పంచ్‌ డైలాగులతో నవ్వించింది. ‘హి ఈజ్‌ సో’ క్యూట్‌ పాటలో అందంగా కనిపించిన రష్మిక.. ‘మైండ్‌ బ్లాక్‌’ పాటలో.. మాసీలుక్‌తో గ్లామరస్‌ డోస్‌ను పెంచిందని చెప్పాలి. ఇక, మినిస్టర్‌ నాగేంద్రగా విలన్‌ పాత్రలో కనిపించిన ప్రకాశ్‌ తన పాత్ర మేరకు అలరించారు. తనదైన యాక్టింగ్‌తో ప్రకాశ్‌ రాజ్‌ మెప్పించినప్పటికీ.. సినిమా క్లైమాక్స్‌ వెళ్లేసరికి నాగేంద్ర పాత్ర అనేక మలుపులు తిరుగుతుంది. ఇక, రాజేంద్రప్రసాద్‌, కౌముది, సంగీత, రావు రమేశ్‌, హరితేజ తదితర నటులు తమ పరిధి మేరకు మెప్పించారు.

విశ్లేషణ: పక్కా కమర్షియల్‌ సినిమాలు తీస్తూ.. వరుస హిట్స్‌ అందుకుంటున్న అనిల్‌ రావిపూడి మరోసారి పూర్తిగా తన ఫార్మెట్‌లోనే ‘సరిలేరు నీకెవ్వరు’ను తీశాడు. తన సినిమాల్లో ఉండే అన్ని దినుసులు ఈ సినిమాలోనూ జోడించాడు. హీరో-హీరోయిన్లతో కామెడీ చేయించడం,  క్యాచీ పదాలు, పంచ్‌ డైలాగులతో ఇలా తనకు తెలిసిన అన్ని మాస్‌-మసాలా అంశాలు సినిమాలో ఉండేలా చూసుకున్నాడు. ఈ విషయంలో ఫస్టాప్‌ వరకు సక్సెస్‌ అయిన డైరెక్టర్‌.. సెకండాఫ్‌ వచ్చేసరికి ఎప్పటిలాగే కథను లైట్‌గా తీసుకున్నాడనే అభిప్రాయం కలుగుతుంది. సెకండాఫ్‌లో భారతి ఎందుకు కష్టాల్లో పడిందనే అంశాన్ని అంత గ్రిప్పింగ్‌గా, స్ట్రాంగ్‌గా అనిల్‌ చెప్పలేకపోయాడు. ఈ సినిమాలో జోడించిన మర్డర్‌ మిస్టరీ ఇన్వేస్టిగేషన్‌, దాని వెనుక ఉన్న నాగేంద్ర కరప్షన్‌ ఇలాంటి అంశాలు కొత్తగా ఉండకపోగా.. రోటిన్‌ అనిపించి బోర్‌ కొడతాయి. సెకండాప్‌ మొదట్లోనే ప్రకాశ్‌ రాజ్‌ను మహేశ్‌ ఢీకొనడంతో.. విలన్‌ పాత్ర వీక్‌ అవుతోంది.
అయితే, కథపై అంతగా శ్రద్ధపెట్టకపోయినా.. ఎప్పటిలాగే కామెడీ, ప్రేక్షకులను ఎంటర్‌టైన్‌ చేసే అంశాలపై అనిల్‌ ఫోకస్‌ చేశాడు. దేశం కోసం ప్రాణాలర్పించిన జవాన్‌కు నివాళులర్పించే సీన్‌, తల్లి (విజయశాంతి) భావోద్వేగం కంటతడి పెట్టిస్తాయి. డైలాగులు అక్కడక్కడ పేలి.. ప్రేక్షకులతో ఈల వేయించినా.. కొన్ని డైలాగుల రిపిటేషన్‌ కనిపిస్తుంది. మరికొన్నిసార్లు క్యాచీ వర్డ్స్‌ను ఫోర్స్‌డ్‌గా పెట్టినట్టు అనిపిస్తోంది. ఇక, సీఎం, మంత్రులను బంధించి.. హీరో లెంగ్తీ లెక్చర్‌ ఇవ్వడం బాగానే ఉన్నా.. మరీ అవుట్‌ ఆఫ్‌ లాజిక్‌ అనిపిస్తోంది. కథ పెద్దగా లేకపోయినా.. ఇలాంటి అంశాలు, భారీ భారీ డైలాగులతో సెంకడాఫ్‌ను మరీ లెంగ్తీగా చేసిన ఫీలింగ్‌ కలుగుతోంది. అయితే, మహేశ్‌ ఫ్యాన్స్‌ ఎంటర్‌టైన్‌ చేసే అంశాలు ఉండటం, యాక్షన్‌పార్ట్‌ నీట్‌గా బాగుండటం, దేవీశ్రీ ప్రసాద్‌ ఇచ్చిన పాటలు, బ్యాక్‌గ్రౌండ్‌ మ్యూజిక్‌ సినిమాకు ప్లస్‌ కావడంతో ఈ సంక్రాంతి సీజన్‌లో ఇది సూపర్‌స్టార్‌ అభిమానులు అలరించే కమర్షియల్‌ ఎంటర్‌టైనర్‌గా నిలిచే అవకాశముంది. సినిమాటోగ్రఫీ చక్కగా ఉండటంతోపాటు సినిమా నిర్మాణ విలువలు రిచ్‌ ఉన్నాయి. అయితే, ఎడిటింగ్‌ విషయంలో మరింత కత్తెరవేసి.. క్రిస్ప్‌గా ప్రజెంట్‌ చేస్తే బాగుండేదన్న ఫీలింగ్‌ రాకపోదు.
ప్లస్‌ పాయింట్స్‌
మహేశ్‌బాబు యాక్టింగ్‌, కామెడీ
విజయశాంతి
పాటలు, బ్యాక్‌గ్రౌండ్‌ మ్యూజిక్‌
ఫస్టాప్
మైనస్‌ పాయింట్స్‌
కథ పెద్దగా లేకపోవడం
సెంకడాఫ్‌ లెంగ్తీగా ఉండటం

28, డిసెంబర్ 2019, శనివారం

ఎన్‌ఆర్‌సి అందరి సమస్య

ఎన్‌ఆర్‌సి అందరి సమస్య

* ఐక్యంగా ప్రతిఘటించడమే మార్గం
* కర్నూలు రాజ్యాంగ పరిరక్షణ వేదిక సభలో సీతారాం ఏచూరి
* భారీగా తరలివచ్చిన ప్రజానీకం
ప్రజాశక్తి -కర్నూలు ప్రతినిధి:
            నరేంద్రమోడీ నేతృత్వంలోని కేంద్ర ప్రభుత్వం తలపెట్టిన ఎన్‌ఆర్‌సి (జాతీయ పౌరపట్టిక) ముస్లింల సమస్య మాత్రమే కాదని, దేశ ప్రజలందరికి సమస్యే అని సిపిఎం ప్రధాన కార్యదర్శి సీతారాం ఏచూరి అన్నారు. లౌకిక రాజ్యాంగ పరిరక్షణ వేదిక ఆధ్వర్యంలో కర్నూలులోని ఉస్మానియా కళాశాల మైదానంలో శనివారం జరిగిన భారీ బహిరంగసభలో ఆయన మాట్లాడారు. జాతీయ పౌరపట్టిక (ఎన్‌ఆర్‌సి), పౌరసత్వ సవరణ చట్టం (సిఎఎ) జాతీయ జనాభ పట్టిక (ఎన్‌పిఆర్‌)లను మత విద్వేషాలను రెచ్చగొట్టే ప్యాకేజిగా ఆయన అభివర్ణించారు. ఇవి ముస్లింలకు మాత్రమే సమస్యయైనట్టుగా చిత్రీకరించడానికి కొన్ని శక్తులు ప్రయత్నిస్తున్నాయని, వాస్తవం దీనికి భిన్నమని చెప్పారు. దీనివల్ల ముస్లింలు ఇబ్బందులు ఎదుర్కునేది నిజమేనని, వారితో పాటు కుల, మతాలకు అతీతంగా దేశంలో ఉన్న సామాన్యులందరు కష్టాలు పడాల్సివస్తుందని వివరించారు. కులమతాలకు అతీతంగా ఐక్యంగా ప్రతిఘటించడం ద్వారా వీటిని తిప్పికొట్టగలమని చెప్పారు.
              సభకు ముందు కర్నూలు నగరంలో భారీ ర్యాలీ జరిగింది. అంబేద్కర్‌ భవన్‌ నుంచి రాజ్‌విహార్‌, గాంధీనగర్‌, కిడ్స్‌ వరల్డ్‌, వడ్డెగేరి మీదుగా ఉస్మానియా కళాశాల మైదానం వరకు సాగిన ఈ ప్రదర్శనలో వేలాది మంది ప్రజానీకం పాల్గొన్నారు అనంతరం సిపిఎం కేంద్ర కమిటీ సభ్యులు ఎంఏ.గఫూర్‌ అధ్యక్షతన జరిగిన సభలో సీతారాం ఏచూరి మాట్లాడుతూ ప్రధానమంత్రి నరేంద్రమోడీ, హోంమంత్రి అమిత్‌షా మతం పేరుతో దేశ విచ్ఛినానికి పూనుకుంటున్నారని అన్నారు. దీనిని ప్రతిఘటించి దేశాన్ని కాపాడాల్సిన బాధ్యత ప్రజానీకంపై ఉందన్నారు. మోడీకి, అమిత్‌షాకు వ్యతిరేకంగా సభకు హాజరైన వారితో నినాదాలు చేయించారు. రాజకీయ ప్రయోజనాల కోసమే బిజెపి దేశ ప్రజల ఐక్యతను విఛ్చినం చేస్తోందన్నారు. పేదలు, గిరిజనులు, ఆదివాసీ సంచార జాతులు సైతం నివాస ధ్రువీకరణ పత్రాలు, జనన ధ్రువీకరణ పత్రాలు ఎలా తెచ్చుకుంటారని ప్రశ్నించారు. హాస్పిటల్‌లో లభ్యమయ్యే జనన ధ్రువీకరణ పత్రాల్లో పాప, బాబు అని ఉంటుంది తప్ప పేర్లు ఉండవని అన్నారు. అలాగే పేదలు నివసించే చిన్నపాటి ఇళ్లకు పట్టాలు కూడా ఉండవని, వారు ఏవిధమైన ధ్రువీకరణ పత్రాలు తీసుకు రాలేరని చెప్పారు. ఈ తరహా సమస్యలు మతాలకు అతీతంగా అందరికీ వస్తాయని, ప్రమాదకరమైన ఈ తరహా చట్టాలను రద్దు చేసే వరకూ మతాల కతీతంగా ప్రజలందరూ ఐక్యంగా పోరాడాలని కోరారు.ఈ సందర్భంగా అస్సాంలో రూపొందించిన పౌర పట్టిక వివరాలను ఆయన ప్రస్తావించారు. పౌర పట్టిక రూపకల్పనతో అస్సాంలో దాదాపుగా 20 లక్షల మంది పౌరసత్వం ప్రమాదంలో పడిందని, వీరిలో అత్యధికులు హిందువులేనని ఆయన చెప్పారు. పాకిస్తాన్‌కు వ్యతిరేకంగా పోరాడి పరమవీర చక్ర పొందిన అబ్దుల్‌ హమీద్‌ వారసులకు కూడా అస్సాంలో పౌరసత్వం లభించలేదని అన్నారు. దేశ వ్యాప్తంగా 12 రాష్ట్ర ప్రభుత్వాలు తాము కేంద్రం తెచ్చిన సిఎఎను అమలు చేయబోమంటూ ప్రకటనలు చేసిన విషయాన్ని ఆయన గుర్తు చేశారు. అభివృద్ధిని వదిలి విద్వేషాలు రెచ్చగొట్టడమే పనిగా మోడీ పెట్టుకున్నారని విమర్శించారు. మాతృభూమికోసం పోరాడటం తప్ప మరో మార్గం లేదన్నారు. సిపిఐ రాష్ట్ర కార్యదర్శి కె.రామకృష్ణ మాట్లాడుతూ మోడీ రెండోసారి అధికారంలోకి వచ్చాక హిందూ-ముస్లింల మధ్య తగాదా పెట్టడమే అజెండాగా పెట్టుకున్నారని విమర్శించారు.. ఈ ఉద్యమం మోడీ గద్దె దిగేదాకా కొనసాగించాలని కోరారు. కేంద్ర ప్రభుత్వం అనుసరిస్తున్న కార్మిక వ్యతిరేక విధానాలను నిరసిస్తూ ఈనెల 8న కార్మిక వర్గమంతా రోడ్డుపైకి వస్తోందని, మైనార్టీలంతా ఆ పోరాటంలో కలిసి రావాలని పిలుపునిచ్చారు. పిసిపి ఉపాధ్యక్షులు ఎన్‌.తులసీరెడ్డి మాట్లాడుతూ లౌకికవాదం లేకపోతే మొత్తం రాజ్యాంగ మౌలిక సూత్రాలకే విఘాతం ఏర్పడుతుందని తెలిపారు.
            లౌకిక, రాజ్యాంగ పరిరక్షణ వేదిక కన్వీనర్‌, ఎమ్మెల్సీ కెఎస్‌.లక్ష్మణరావు మాట్లాడుతూ దేశంలో ఎన్నో ఏళ్లుగా హిందువులు, ముస్లింలు, క్రైస్తవులు, పార్శీలు కలిసిమెలసి జీవిస్తున్నారని తెలిపారు. విభిన్న సంస్కృతులు కలిస్తేనే భారతదేశం అయిందని అన్నారు. ప్రతేడాది జాతీయ పండగల నాడు జాతీయజెండాను ఎగురవేసే ఎర్రకోట, ప్రపంచంలోని పర్యాటకులందరినీ విశేషంగా ఆకర్షించే తాజ్‌మహల్‌ను ఎవరు నిర్మించారని ప్రశ్నించారు.
                   మోడీ ప్రభుత్వం అయోధ్య, ట్రిపుల్‌ తలాక్‌, జమ్మూకాశ్మీర్‌లో 370 ఆర్టికల్‌ను ఎత్తివేయడం లాంటి పచ్చి మతోన్మాద చర్యలకు పూనుకుందని విమర్శించారు. ఈ సభలో సిపిఎం జిల్లా కార్యదర్శి కె.ప్రభాకర్‌రెడ్డి, ఐద్వా రాష్ట్ర నాయకులు పి.నిర్మల, సిపిఐ రాష్ట్ర నాయకులు సత్యనారాయణమూర్తి, రామచంద్రయ్య, జిల్లా కార్యదర్శి గిడ్డయ్య, ఆవాజ్‌ నాయకులు ఎస్‌ఎ.సుభాన్‌, డిసిసి అధ్యక్షులు అలీఖాన్‌, జనసేన నాయకులు హర్షద్‌, సీనియర్‌ దళిత సంఘం నాయకులు, న్యాయవాది వై.జయరాజ్‌, ముస్లిం మత పెద్దలు పాల్గొన్నారు.

ఇవిఎం కుంభకోణంపై దేశవ్యాప్త ఉద్యమం

కాశీ నుంచి కన్యాకుమారి వరకు జాతా లు ,

జనవరిలో నూతన కార్యవర్గం ఎన్నిక,

బామ్‌సెఫ్‌, బిఎంఎం  జాతీయ సమ్మేళనం నిర్ణయం 

ప్రజాశక్తి`ప్రత్యేక ప్రతినిధి కర్నూలు

                    ప్రజా తీర్పును తప్పుదోవ పట్టిస్తున్న ఇవిఎం కుంభకోణంపై జనవరి 16 నుంచి ఏప్రెల్‌ 26 వరకు కాశీ నుంచి కన్యాకుమారి వరకు జాతా నిర్వహించనున్నట్లు బామ్‌సెఫ్‌, భారత్‌ ముక్తిమోర్చా జాతీయ సమ్మేళనం తీర్మానిచింది. బామ్‌సెఫ్‌, మూలవాసీ, భారత్‌ ముక్తిమోర్చా ఆధ్వర్యంలో ఆంధ్రప్రదేశ్‌ రాష్ట్రం కర్నూలులో నిర్వహిస్తున్న జాతీయ సమ్మేళనం శుక్రవారం ముగిసింది.  2019 డిసెంబర్‌  23 నుంచి 27 వరకు జరిగిన జాతీయ  సమ్మేళనానికి దేశవ్యాప్తంగా వేలాది మంది ఉద్యోగులు, జాతీయ నాయకు, ఎస్సీ, ఎస్టీ, బీసీ, మైనార్టీ సామాజిక కార్యకర్తులు హాజరయ్యారు. ఈ సమ్మేళనంలో పాతకమిటీని రద్దు చేశారు. 2020 జనవరి 11,12 తేదీల్లో డిల్లి లోని కరోల్‌ బాగ్‌ లో నిర్వహించే ప్రత్యేక ప్రతినిధుల సమావేశంలో  జాతీయ కమిటీని ఎన్నుకోనున్నామని బామ్‌సెఫ్‌ జాతీయ అధ్యక్షులు వామన్‌ మేశ్రమ్‌ ప్రకటించారు.  చివరి రోజు రాఖీగఢ డిఎన్‌ఎ తవ్వకాలు, వైజ్ఞానిక అన్వేషణ, సంచార జాతుల, తెగల, పరిశీలన, 2020లో ఎస్‌సి, ఎస్‌టి రాజకీయ రిజర్వేషన్ల పొడగింపు ప్రపంచీకరణ , ప్రయివేటీకరణ నేపథ్యంలో రిజర్వేషన్లపై , బడుగు ప్లిలల ఆరోగ్య సమస్య తదితర అంశాలపై చర్చ జరిపారు. భారత్‌ ముక్తిమోర్చా జాయతీ ప్రధాన కార్యదర్శి ప్రొఫెసర్‌ విలాస్‌ ఖరత్‌ మాట్లాడుతూ హర్యానాలోని రాఖిగఢ తవ్వకాల్లో బయటపడిన మృతదేహాల డిఎన్‌ఎ పరీక్ష  ఆధారంగా బ్రాహ్మణులు భాతర దేశానికి సంబంధించిన వారు కాదని తేలిందని తెలిపారు. డాక్టర్‌ వసంత్‌ సిండే, నీరబ్‌ రాయ్‌ మీడియాకు తప్పుడు సమాచారం ఇచ్చారని, అందుకు 2011లో డాక్టర్‌ మైకెల్‌ బామ్‌సెఫ్‌ ఫిర్యాదు మేరకు వసంత్‌ సిండేకు లీగల్‌ నోటీసు ఇచ్చినట్లు తెలిపారు. ఈమెరకు లెప్ట్‌నెంట్‌ కల్నల్ పురోహిత్‌ ప్రసాద్‌ ఆర్‌ఎస్‌ఎస్‌ రహస్య సమావేశంలో బ్రాహ్మణులు  భారతీయులు    కారన్న విషయాన్ని ప్రకటించినట్లు ఆయన తెలిపారు. ఆతరువాత ఆర్‌ఎస్‌ఎస్‌ 100 బాంఋలు  పేల్చి విధ్వంసం సృష్టించిందని తెలిపారు. భారత్‌ ముక్తిమోర్చాపార్టీ జాతీయ ఉపాధ్యక్షు దాస్‌రామ్‌నాయక్‌ మాట్లాడుతూ సంచార జాతులు ఈదేశంలో 11 కోట్ల   మంది ఉన్నారని తెలిపారు. బ్రాహ్మణులు  కేవం 3 కోట్లు ఉన్నారని తెలిపారు. సంచార జాతులకు సంఘనిర్మాణం , నాయకత్వం, భాష లేదన్నారు. అందుకే వారికి స్థిరనివాసం, రిజర్వేషన్లు, కావల్సిన సట్టిఫికెట్లు ఏమి లేవని అన్నారు. అదే 3 కోట్ల బ్రాహ్మణుకు అన్నీ ఉన్నాయని తెలిపారు. లoబాడ, బుడగజంగాలు, వడ్డెరులు, తదితర సంచార జాతుల కోసం ప్రత్యేక షెడ్యూులు తయారు చేసి రాజ్యాంగపరమైన ఫలితాలు వారికి దక్కేలా చూడాలన్నారు.

11, అక్టోబర్ 2019, శుక్రవారం

పల్లవుల నగరంలో మోడి జిన్ పింగ్



  చైనా అధ్యక్షుడు జీ జిన్‌పింగ్‌కు మోదీ అపురూపమైన బహుమతులు ఇచ్చారు. అనధికారిక చర్చలు జరిపేందుకు మహాబలిపురం వచ్చిన ఇరువురు నేతలు ఆత్మీయ స్నేహితులుగా మెలిగారు. భరత నాట్యం, కథకళి నృత్యాలను ఆసక్తిగా తిలకించారు. ఈ నృత్యాల వివరాలను జిన్‌పింగ్‌‌కు మోదీ తెలిపారు. ఇరువురు నేతలు కళాకారులతో ఫొటో దిగారు. అంతకుముందు ఉభయులు మహాబలిపురంలోని శిల్పాలను తిలకించారు. మోదీ ఈ శిల్పాల ప్రత్యేకతను జిన్‌‌పింగ్‌కు వివరించి చెప్పారు. ఇరువురు కొబ్బరి నీళ్ళు తాగారు. జిన్‌పింగ్‌కు మోదీ స్వయంగా కొబ్బరి బొండం ఇచ్చారు. ఈ సందర్భంగా జిన్‌పింగ్‌కు మోదీ నృత్య సరస్వతి చిత్ర పటం, నచియార్‌కోయిల్ హంస దీపం బహుమతిగా ఇచ్చారు. తంజావూర్ పెయింటింగ్‌ ప్రముఖుడు బి లోగనాథన్ రూపొందించిన నృత్య సరస్వతిని జిన్‌పింగ్‌కు బహూకరించారు. ఇది 16వ శతాబ్దంనాటి చిత్ర కళా రూపమైన తంజావూర్ పెయింటింగ్. నాయక, మరాఠా రాజుల పరిపాలనా కాలంలో ఈ చిత్ర కళ వృద్ధి చెందింది.