12, నవంబర్ 2012, సోమవారం

ఆహార భద్రత కోసం 5 కోట్ల సంతకాలు

సర్కారుకు వినతిపత్రం 

నాలుగు వామపక్షాల నిర్ణయం

                     దేశంలోని ప్రజలందరికీ ఆహార భద్రత కల్పించే విధంగా ప్రజాపంపిణీ వ్యవస్థను విస్తరించాలని డిమాండ్‌ చేస్తూ ఐదు కోట్ల సంతకాలతో ప్రభుత్వానికి వినతిపత్రం సమర్పించాలని సిపిఎం, సిపిఐ, ఆరెస్పీ, ఫార్వర్డ్‌ బ్లాక్‌ నిర్ణయించాయి. ఈ నాలుగు పార్టీల నేతలు 2012 నవంబర్‌ 12 సోమవారం ఇక్కడ సమావేశమై ఈ మేరకు నిర్ణయం తీసుకున్నారు. ఈ ఏడాది జులై నుండి సెప్టెంబర్‌ వరకూ జరిగిన ప్రచారోద్యమానికి దేశవ్యాప్తంగా వివిధ ప్రాంతాలలో వున్న ప్రజల నుండి మంచి స్పందన లభించిందని పార్టీ నేతలు వివరించారు. ఈ ప్రచారోద్యమాన్ని విస్తృతం చేయటం కోసం దేశవ్యాప్తంగా సంతకాల సేకరణ ఉద్యమాన్ని నిర్వహించాలని వామపక్ష నేతల నిర్ణయించామన్నారు. ఈ ఏడాది డిసెంబర్‌ నుండి వచ్చే ఏడాది జనవరి చివరి వరకూ కొనసాగే ఈ ఉద్యమంలో పార్టీ కార్యకర్తలు, సభ్యులు ఇంటింటికీ తిరిగి సంతకాలను సేకరిస్తారు. ఈ సంతకాలతో కూడిన వినతిపత్రంలో ప్రజలను పేదరిక రేఖ ఎగువ/దిగువ అని విభజించకుండా అందరికీ ప్రయోజనం చేకూరేలా ప్రజాపంపిణీ వ్యవస్థను విస్తృతం చేయాలని, కిలో రెండు రూపాయల వంతున కుటుంబానికి నెలకు 35 కిలోల ఆహార ధాన్యాలను సరఫరా చేయాలని, ప్రజాపంపిణీ వ్యవస్థలో ప్రవేశపెట్టిన నగదు బదిలీ పథకాన్ని రద్దు చేయాలని డిమాండ్‌ చేయనున్నారు. ఈ సమావేశంలో సిపిఎం ప్రధాన కార్యదర్శి ప్రకాశ్‌ కరత్‌, సీనియర్‌ నేత సీతారాం ఏచూరి, మరో నేత ఎస్‌ రామచంద్రన్‌ పిళ్లరు, సిపిఐ ప్రధాన కార్యదర్శి సురవరం సుధాకరరెడ్డి, సీనియర్‌ నేత ఎబి బర్దన్‌, మరో నేత డి రాజా, ఆరెస్పీ నేత దేవవ్రత విశ్వాస్‌, ఫార్వర్డ్‌బ్లాక్‌ నేత అబనీరారు తదితరులు పాల్గొన్నారు.

2 కామెంట్‌లు:

తెలుగు వారి బ్లాగులు చెప్పారు...

హలో అండీ !!

''తెలుగు వారి బ్లాగులు'' తరుఫున మీకు మీ కుటుంబ సభ్యులకు దీపావళి శుభాకాంక్షలు !!

వెలుగు జిలుగుల దీపావళి నాడు ఆ లక్ష్మీ మాత కటాక్షం
ఈ యావత్ భారతావనిలో ప్రతి ఒక్కరికీ కలగాలని ఆశిస్తూ ...
ఒక చిన్న విన్నపము ....!!

రాబోయే నెల డిసెంబర్ 2 వ ఆది వారము (తెలుగు బ్లాగుల దినోత్సవం) లోపల ఒక వెయ్యి తెలుగు బ్లాగులను ఒకదరికి చేర్చాలని సంకల్పించటమైనది

మీరు అనుమతించి నట్లైతే మీ బ్లాగును కూడా తెలుగు వారి బ్లాగుల సముదాయం లో జతపరిచేదము.
మీ అంగీకారము తెలుపగలరు

http://teluguvariblogs.blogspot.in/

panuganti చెప్పారు...

మీకూ దీపావలి శుభా కాంక్షలు. తెలుగు వారి బ్లాగుల సముదాయంలో చేర్చగలరు.