29వ రాష్ట్రంగా తెలంగాణ

       రాష్ట్ర విభజన జరిగితే బాగుంటుందని తెలంగాణ ప్రాంత రాజకీయ నాయకులు, అత్యధిక ప్రజలు, సీమాంధ్రలోని ప్రధాన పార్టీల నాయకులు ( సిపి(ఐ)ఎం మినహా) ఒక నిర్ణయానికి వచ్చారు. విభజన వద్దు సమైక్యంగా ఉండాలని సీమాంధ్రలో ప్రజలు , కొందరు రాజకీయ నాయకులు ఆందోళన చేశారు. రాయల తెలంగాణా కావాలని ఒకరిద్దరు రాజకీయ నాయకులు, అనంతపురం, కర్నూలు జిల్లాలోని కొందరు ప్రజలు కూడా కోరారు.  సమస్యలేంటని అధ్యయనం చేశాక ప్రజల్లో పలుకుబడి ఉన్న అధికార, ప్రతిపక్ష పార్టీలు(సిపిఎం మినహా) రాష్ట్ర విభజనకు అంగీకరించాయి.  కాంగ్రెస్‌పార్టీ అధికారంలో ఉంది కాబట్టి ఆమేరకు విభజనకు అంగీకరించింది. 10 సంవత్సరాలు హైదరాబాద్‌ ఉమ్మడి రాజధానిగా ఉంటుందని, ఐదేళ్లపాటు సీమాంధ్రకు ప్రత్యేక ప్రతిపత్తి కల్పిస్తూ రాజ్యసభలో ప్రధాని మన్మోహన్‌సింగ్‌ ప్రకటించారు. యుపిఏ భాగస్వామ్య పక్షాలు కాంగ్రెస్‌, బిజూజనతాదళ్‌, ఎన్‌సిపి, బిఎస్‌పి, సిపిఐ, ఆర్‌జెడి, ఎల్‌జిపి, ప్రధాన ప్రతిపక్షం బిజెపి బిల్లుకు అనుకూలంగా మాట్లాడి ఓటేశారు. సిపిఐ(ఎం), ఎస్‌పి, డిఎంకె, తృణమూల్‌ కాంగ్రెస్‌, అకాళిదల్‌, ఎజిపి బిల్లుకు వ్యతిరేకంగా మాట్లాడారు.  టిడిపి తెలంగాణ వాళ్లు అనుకూలంగా, సీమాంధ్ర సభ్యులు వ్యతిరేకంగా మాట్లాడారు.  లోక్‌సభలో 2014 ఫిబ్రవరి18న, రాజ్యసభలో 20న తెలంగాణ రాష్ట్ర ఏర్పాటు బిల్లుకు ఆమోదం తెలిపారు. 

                             కాంగ్రెస్‌లోఉండి సమైక్య వాదం వినిపించిన కొందరు ప్రజాప్రతినిధులు రాజీనామా చేశారు. పార్లమెంటులో పెప్పర్‌ స్ప్రే ప్రయోగించి సంచలనం సృష్టించిన  విజయవాడ పార్లమెంటు సభ్యులు లగడపాటి రాజగోపాల్‌ పదవికి, కాంగ్రెస్‌ పార్టీకి రాజీనామా చేసి రాజకీయ సన్యాసం పుచ్చుకున్నారు.  ఆంధ్రప్రదేశ్‌ ముఖ్యమంత్రి నల్లారి కిరణ్‌కుమార్‌రెడ్డి  కాంగ్రెస్‌పార్టీకి, ఎమ్మెల్యే , ముఖ్యమంత్రి పదవులకు రాజీనామా చేశారు. రాజ్యసభలో టిడిపి  ఎంపి సిఎం రమేష్‌ రాజ్యసభ కార్యదర్శి వద్ద వున్న టి బిల్లు ప్రతులను లాక్కోవడానికి దౌరజ్యనం చేశారు. ఆ అంశంపై సభ్యులు ప్రశ్నించడంతో క్షమాపణ చెప్పారు.  సేవ్‌ ఆంధ్రప్రదేశ్‌ ప్లకార్డు పట్టుకుని రోజంతా నిరసన తెలిపిన కాంగ్రెస్‌ సభ్యుడు కెవిపి రాంచందర్‌రావు సభలోనే సొమ్మసిల్లి పడిపోయాడు. ఆయనను ఆసుపత్రికి తరలించారు.  బిజెపి తెలంగాణకు అనుకూలం అంటూనే సీమాంధ్రలో సానుభూతికోసం అనేక ప్రయత్నాలు చేసింది. ఎట్టకేలకు తెలంగాణ 29 వ రాష్ట్రంగా ఏర్పాటుకు కేంద్రం ఆమోద ముద్ర వేసింది. 

             తెలంగాణ ఉద్యమాలు: తెలంగాణ ప్రత్యేక రాష్ట్ర ఏర్పాటు కోసం ఉద్యమాలు జరిగాయి. తరువాత తెలంగాణా ప్రజాసమితి 1971లో మర్రిచెన్నారెడ్డి నాయకత్వంలో ఏర్పడిరది.   ఆయన నాయకత్వంలో ఉధృత పోరాటం జరిగింది.  పలువురు ప్రాణాలు కోల్పోయారు. ఆతరువాత వచ్చిన ఎన్నికల్లో మర్రిచెన్నారెడ్డి ముఖ్యమంత్రి అయ్యారు. ఆ తరువాత కాంగ్రెస్‌ పార్టీ ఆయనను ఖాళీగా ఉంచితే ఉద్యమాలు చేస్తారని గవర్నర్‌ పదవి ఇచ్చిం పంపింది.   ఆతరువాత తెలంగాణ ఉద్యమం పెద్దగా జరగలేదు.  టిడిపి నుంచి బయటకు వచ్చి ఇంద్రారెడ్డి తెలంగాణా ఉద్యమం ప్రారంభించి కొంతకాలం నిర్వహించి  కాంగ్రెస్‌తో కుదిరిన ఒప్పందం ప్రకారం ఆపార్టీనేత రాజశేఖర్‌రెడ్తితో కుమ్మక్కయ్యారు.  ఆతరువాత అనేక మలుపులు తిరిగిన ఉద్యమం 2001  ఏప్రిల్‌ 27న  కల్వకుంట్ల చంద్రశేఖర్‌రావు నాయకత్వంలో  తెలంగాణ రాష్ట్ర సమితిని( టిఆర్‌ఎస్‌) ఏర్పాటు చేశారు. పిసిసి ప్రధాన కార్యదర్శి జిల్లెల చిన్నారెడ్డి  నాయకత్వంలో ప్రత్యేక తెలంగాణ పార్టీ కమిటీని ఏర్పాటు చేశారు. 2009లో ఎన్నికలకు వైఎస్‌ రాజశేఖర్‌రెడ్డి తెలంగాణకు అనుకూలంగా మాట్లాడారు. ఎన్నిల తరువాత  మాటమార్చారు. రాజశేఖర్‌రెడ్డి మరణానంతరం తెలంగాణ రాష్ట్ర ఏర్పాటు ఉద్యయం పెరిగింది.  దీంతో కెసిఆర్‌ ఆందోళన ఉదృతం చేశారు. ఆమరణ నిరాహార దీక్ష చేయడంతో కాంగ్రెస్‌ ప్రభుత్వ దిగివచ్చింది. తెలంగాణా ప్రత్యేక రాష్ట్రం ఇస్తామని హామీ ఇచ్చారు. 2010లో శ్రీకృష్ణ కమిటీని ఏర్పాటు చేశారు. ఆ కమిటీ ఆరు ప్రతిపాదనలు చేసింది. ప్రభుత్వం అనుకున్న సమయానికి తిరిగి స్పందించ లేదని తెలంగాణా ఐక్యకార్యాచరణ కమిటీ ఏర్పడిరది. అందులో ఉద్యోగులు, ప్రజాసంఘాల చేతిల్లోకి ఉద్యమం వెళ్లింది. ప్రొఫెసర్‌ కోదండరాం నాయకత్వంలో ఎక్కువ మంది ఆందోళనలోకి వచ్చారు. తెలంగాణలో2011లో 42 రోజులు సమ్మె చేశారు. అఖిల పక్ష పార్టీలతో రెండు దపాలు చర్చలు జరిపారు. కాంగ్రెస్‌, టిడిపి, వైఎస్‌ఆర్‌సిపి, బిజెపి, సిపిఐ తెలంగాణా ఏర్పాటుకు సానుకూలంగా మాట్లాడారు. కొందరు లేఖలు కూడా ఇచ్చారు.  2013 జులై 30న కాంగ్రెస్‌ వర్కింగ్‌ కమిటీ ప్రత్యేక రాష్ట్ర ఏర్పాటు చేస్తామని తీర్మానం చేసింది. సీమాంధ్రలో ప్రజలు ఆందోళన చేశారు. 2013 అక్టోబరు 3న కేంద్ర మంత్రి మండలి తెలంగాణ రాష్ట్ర ఏర్పాటుకు ఆమోదించింది. జిఓఎంను ఏర్పాటు చేసింది. సీమాంధ్రలో ఆందోళన ఉధృతమైంది. చివరికి 2014 ఫిబ్రవరి 18న  లోక్‌సభలో తెలంగాణ బిల్లుకు ఆమోదం తెలిపింది. 

     రాష్ట్రం స్వరూపం: 

       ఆంధ్రప్రదేశ్‌ రాష్ట్రంలోని మూడు విభాగాలలో తెలంగాణా ఒకటి. మిగతా రెండు విభాగాలనూ కోస్తా ఆంధ్ర లేదా ఆంధ్ర, లేదా సర్కారు, రాయలసీమ అని పిలుస్తారు. ఈ విభజన చారిత్రక కారణాల వల్ల వచ్చి భౌగోళిక, సాంస్కృతిక కారణాలతో అలాగే కొనసాగుతుంది.  ప్రస్తుత తెలంగాణా ప్రాంతం నిజాం తన రాజ్యంలోని  ప్రాంతాలను రకరకాల కారణాలతో  బ్రిటీషువారికి ఇచ్చివేయగా మిగిలినది తెలుగు ప్రాంతం. ప్రస్తుతం తెలంగాణా ప్రాంతంలో 10 జిల్లాలున్నాయి. భౌగోళికంగా ఇది దక్కను పీఠభూమిలో భాగం. తెలంగాణా ప్రాంతంలో 10 జిల్లాలున్నాయి. దేశంలోని 7వ నెంబరు జాతీయ రహదారి, 9వ జాతీయ రహదారి ఈప్రాంతం గుండా వెళ్తుంది. హైదరాబాద్‌`వాడి, సికింద్రాబాద్‌`కాజీపేట, సికింద్రాబాద్‌` విజయవాడ, సికింద్రాబాద్‌`డోన్‌, వికారాబాద్‌`పర్బని, కాజీపేట`బల్హర్షా రైతు మార్గాలు తెలంగాణా ప్రాంతం నుంచి వెళ్తున్నాయి.  సికింద్రాబాద్‌, కాజీపేట రైల్వేజంక్షన్లు దక్షిణమధ్య రైల్వేలో ప్రముఖ కూడళ్లుగా పేరెన్నికగలవి.  ఆరు దశాబ్ధాల పాటు కలిసి ఉన్న  తెలుగు భాష మాట్లాడే వాళ్లను రెండుగా విభజించారు. 

తెలంగాణా వాదుల వాదనలు

1. పెద్ద మనుషుల ఒప్పందాన్ని ఏనాడు ఆంధ్రులు అమలు చేయలేదు. ఉపముఖ్యమంత్రి పదవి ఇవ్వడం లేదు. 

2. కృష్ణాగోదావరి నదుల పరివాహక ప్రాంతం 80 శాతం మాదైతే 88 శాతం నాళ్లు వాళ్లవి. కరెండు 70 శాతం ూత్పత్తి మాది. 80 శాతం పంట రుణాలు వాళ్లవి. మూడొంతుల ఉద్యోగాలు వాళ్లవి. 

3. శాంతి యుతంగా అన్నదమ్ముళ్లా విడిపోదాం. 

4. తెలంగాణ వద్ద ఉన్న వనరులతో ఆంధ్రప్రాంతం ఇప్పటికేచాలా ప్రయోజనం పొందింది. 

5. ప్రత్యేక తెలంగాణ స్వాభిమానానికి ప్రతీక. ప్రత్యేక తెలంగాణాపై 50 ఏళ్లుగా ఉద్యమాలు జరుగుతున్నాయి. ఇది ప్రజల ఆకాంక్షల నుంచి పుట్టింది. 

6. రాజ్యాంగం ప్రకారం. చూసినా రాష్ట్రాల ఏర్పాటు అనేది కేంద్ర పరిధిలోని అంశం. అసెంబ్లీలో తీర్మానం అవసరం లేదు. అది లేకుండాను కేంద్రం ఆమోదించవచ్చు. 

7. తమిళనాడుకు తెలుగుగంగ నీళ్లు ఇస్తున్నప్పుడు తెలంగాణానుంచి అంధ్రకు నీళ్లుఅందకుండా చేస్తారని అనుకోవడం సరికాదు. 

8. భౌగోళిక , చారిత్రక కోణాల్లో ఎలా చూసినా హైదరాబాద్‌ తెలంగాణాలో అంతర్భాగమే. 

9. విలీనం నాటికి తెలంగాణాయే పారిశ్రామికంగా ముందుండేది. గత యాబైఏళ్లుగా తెలంగాణా చాలాత్యాగాలు చేసింది. ఆంధ్ర అభివృద్ధిలో ఎక్కువభాగానాన్ని  ఆంధ్రలోని సంపన్నులు తీసుకున్నారు. తెలంగాణా వివక్షకు గురైంది. సింగరేణిలో, సచివాలయంలో అన్ని చోట్లా కోస్తావారే ముఖ్యమైన ఉద్యోగాల్లో ఉన్నారు. ఇది  ఆర్థిక అసమానతలకు దారి తీసింది. 

10. బడ్జెట్‌లో కేటాయింపుల్లోనూ ఆంధ్రాకే అగ్రస్ధానం.

సమైక్యాంధ్రుల వాదనలు

1. పూర్తిగా అభివృద్ధి చెందిన తెలంగాణా ఇప్పుడు విడగొడితే కోస్తా వనరులన్నీ అటే వెళ్లాయి. దీనివల్ల కోస్తా ప్రాంతంలోని రైతులకు కష్టాలు తప్పవు. 

2. తెలంగాణా విడిపోతే  ఆ ప్రాంత ప్రజలు కోస్తాంధ్రకు రావాల్సి నీటిని అడ్డుకుంటారు. ఫలితంగా వ్యవసాయం, దాని అనుబంధ పరిశ్రమలు మూతపడి నిరుద్యోగం పెరుగుతుంది. 

3. తెలంగాణానుంచి కోస్తాంధ్రకు చెందిన ఉద్యోగులను తరిమేస్తారు. కోస్తాంధ్రాకు ఆదాయాలు కూడా తగ్గుతాయి. 

4. తెలుగు మాట్లాడే ప్రజలు విశాలాంధ్ర కోసం అనేక దశాబ్ధాలు పోరాడారు. భాషాప్రయుక్త రాష్ట్రాలనేవి జాతీయ ఉద్యమంలో ఒక భాగం భాషా ప్రయుక్త రాష్ట్రాల ఏర్పాటులో సహేతుకత ూంది. 

5. దేశంలో వెనుకబడిన ప్రాంతమంటూ లేని రాష్ట్రమేది. తెలంగాణాలో కూడా వెనుకబడిన ప్రాంతాలు ూండొచ్చు. కానీ అభివృద్ధి చెందిన ప్రాంతాలూ ూన్నాయి. ఇలాంటి విభజన కొనసాగిస్తే విభజన రేఖ ఎక్కడ గీయగలం. 

6. ప్రత్యేక వాదం సమస్యకు పరిష్కారం కాబోదు. ఇది మరో అతిపెద్ద సమస్యకు ప్రారంభం అవుతుంది. ఇతర రాష్ట్రాలతో పాటు, ప్రత్యేక వాదం గురించి మాట్లాడుతున్న అదే ప్రాంతంలోనూ భవిష్యత్తులో ఈసమస్య తలెత్తవచ్చు. 

7. చిన్నరాష్ట్రాలు దేశ ఉనికికి ప్రమాదంగా మారుతాయి. 

8. తెలుగు మాట్లాడే వారంతా కలిసి ఉంటేనే అభివృద్ధి సాధించవచ్చు. 

9 . ఐటి కంపెనీలు ఇతర రాష్ట్రాలకు తరలిపోవడానికి స్థిమవుతున్నాయి. 

ప్రత్యేకాంధ్రుల వాదనలు

1. కోస్తాలోని వెనుకబడిన ప్రాంతాలు తెలంగాణతో సమానంగా అభివృద్ధి చెందలేదు. 

2. హైదరాబాద్‌పై కాకుండా ఆంధ్రప్రదేశ్‌లోని మిగిలిన పట్టణాల అభివృద్ధి గురించి ఎన్నడూ ఆలోచించలేదు. 

3. రెండు లేదా మూడు రాష్ట్రాలు ఉంటే తప్పేంటి?. దేశంలో చిన్న రాష్ట్రాలు అభివృద్ధి చెందటం లేదా?. 

4. 1956లో ఆంధ్రప్రదేశ్‌ ఏర్పడినప్పటి నుంచీ ఇప్పటివరకు రెండు ప్రాంతాల మధ్య భావసమైక్యత లేదు. 

5. తెలంగాణ ప్రాంతమంతా విడిపోవాలని కోరుకుంటున్నప్పుడు కలిసే ఉందామనడం సమంజసం కాదు. 

6, ఒక వేళ తెలంగాణా ఇవ్వదలిస్తే పూర్వం భద్రాచలం డివిజన్‌ ను మళ్లీ తూర్పుగోదావరి జిల్లాలో కలపాలి. 

7. ఆంధ్రులకు మరో ముఖ్యపట్టణం అవసర ఉంది. ఆరోగ్యం, విద్య, న్యాయ, వ్యాపార, సాంకేతిక పరమైన అంశాలకు హైదరాబాద్‌ అందరికీ అందుబాటులో లేదు. 

8. కోస్తా ఆంధ్రులకు సుదీర్ఘమైన 960 కిమీ తీరప్రాంతం ఉంది. అనేక వనరులు పుష్కలంగా ఉన్నాయి. అయితే అవేవీ అక్కడ పేద ప్రజలకు ఉపయోగపడటం లేదు. 

9. విశాఖపట్టణాన్ని పారిశ్రామిక కేంద్రంగా , కర్నూలును న్యాయ వ్యవస్థా కేంద్రంగా , తిరుపతిని సాంస్కృతిక కేంద్రంగా మలుచుకోవచ్చు. 

10. భౌగోళికంగా విడిపోవడం వల్ల తెలుగుభాషకు నష్టం లేదు. వివిధ మాండలికాలు అభివృద్ధి చెందుతాయి. 

11. తెలంగాణ ఇవ్వడం వల్ల తెలంగాణ వారికి ఎంత ప్రయోజనమో ఆంధ్రావారికి అంతకు రెట్టింపు ప్రయోజనం. 

సామాన్యుల వాదనలు

1. తెలంగాణా ఉద్యమాల్లాంటివి దేశమంతటా ఉన్నాయి. 

2. తెలంగాణా రాష్ట్రం ఏర్పడాల్సిన అవసరం లేదు. ప్రత్యేక అభివృద్ధి ప్యాకేజీలు చేపడితే సరిపోతుంది. 

3. ఒక్క రాష్ట్రం ఏర్పడటానికే దేశంలో డబ్బులేదు. 

4. తెలంగాణా రాష్ట్రం ఏర్పడితే ఇతర రాష్ట్ర్ర ఉద్యమాల వల్ల దేశసమైక్యత తెబ్బతింటుంది. 

ఎట్టకేలకు అన్ని వాదనలకు తెరపడిరది 

          ఎట్టకేలకు రాష్ట్ర విభజనకు కాంగ్రెస్‌ ప్రభుత్వ అడుగుముందుకేసింది. ఆ తరువాత డోలాయమానంలో ఉన్న బిజెపి కూడా తెలంగాణ బిల్లుకు మద్దతు తెలిపింది. 2014 ఫిబ్రవరి 18న లోక్‌సభలో, 20న రాజ్య సభలో ఆమోదం తెలిపారు.  29వ రాష్ట్రంగా తెలంగాణ ఏర్పడిరది. ఆంధ్రప్రదేశ్‌కు రాజధాని, నదీ జలాల వివాదం, తదితరాలకు ప్రభుత్వం పరిష్కారం చూపాల్సి ఉంది.  తెలుగు ప్రజలు రెండు రాష్ట్రాలుగా ప్రభుత్వం విభజించింది. ఈవార్తలు విని తెలంగాణలో సంభరాలు జరుపుకోగా, సీమాంధ్రలో నిరసన తెలిపారు. ఫిబ్రవరి 18న తీవ్రంగా నిరసన తెలిపారు. 20న పెద్దగా నిరసనలు కనిపించలేదు. 

గురుకుల విద్యార్థులను ఎవరెస్టు ఎక్కిస్తా

ఉన్నత శిఖరాలకు ఎదగాలి

ఎపిఎస్‌డబ్ల్యుఆర్‌ఎస్‌ ప్రభుత్వ కార్యదర్శి ఆర్‌ఎస్‌  ప్రవీణ్‌ కుమార్‌

సాంఘిక సంక్షేమ గురుకుల విద్యాలయాల్లో చదివిన, చదువుతున్న విద్యార్థులు ఉన్నత శిఖరాలకు ఎదగాలనే తపనతో అనేక కార్యక్రమాలు నిర్వహిస్తున్నామని ఎపిఎస్‌డబ్ల్యుఆర్‌ఎస్‌ కార్యదర్శి ఆర్‌ఎస్‌ ప్రవీణ్‌కుమార్‌  చెప్పారు. కర్నూలు  బి క్యాంపులో 2014`01`2014న ఆంధ్రప్రదేశ్‌ సాంఘిక సంక్షేమశాఖ గురుకుల విద్యాలయాల పూర్వ విద్యార్థుల(స్వారోస్‌) సమ్మేళనానికి ఆయన ముఖ్యఅతిథిగా హాజరయ్యారు.  ఈ సందర్భంగా ఆయన మాట్లాడుతూ  గురుకుల పాఠశాలలో చదువటం వల్ల తాను ఐపిఎస్‌  స్థాయికి ఎదిగానని అన్నారు. నేనిప్పుడు అనుభవిస్తున్న హోదా  కేవలం  గురుకుల పాఠశాల ఉపాధ్యాయుల భిక్ష అని అన్నారు.  పేద విద్యార్థులకు నా వంతు కర్తవ్యంగా సేవ చేయాలనే ఉద్దేశ్యంతో పోలీసుశాఖ నుంచి ఎపిఎస్‌డబ్ల్యుఆర్‌ఎస్‌ కార్యదర్శి బాధ్యతలు తీసుకున్నానని  గర్వంగా చెప్పారు. దళితుడనైన నేను హార్వర్డ్‌ విశ్వవిద్యాలయం నుంచి తొలి పట్టభద్రుడిని కావడం  గర్వించదగ్గ విషయమని  అన్నారు. 16 నుంచి 18 ఏళ్లు ఎస్‌పిగా మచ్చలేని సేవ చేసిన నాకు ఐజి హోదా వస్తుందని, ఇంతటి ఘనతను నాకు ప్రసాదించిన నా గురువులందరికీ, డాక్టర్‌ బిఆర్‌ అంబేద్కర్‌కు హృదయపూర్వక వందనాలు తెల్పుతున్నానన్నారు. కార్యదర్శిగా తన కృషి ఎంత ఉన్నప్పటికీ తల్లిదండ్రుల సహకారం కూడా అవసరమని అన్నారు. గురుకుల విద్యాలయాల అభివృద్ధికి 150 కోట్లు మంజూరయ్యాయన్నారు. విద్యాలయాలు నడిపే దిశలో మా వైపు నుంచి కూడా లోపాలుంటాయని, వాటిని సరిచేసుకుంటామని అన్నారు. రాబోయే రోజుల్లో ఎపిఎస్‌డబ్ల్యుఆర్‌ డిగ్రీ కాలేజి కూడా ఏర్పాటు చేస్తామన్నారు.  అంబేద్కర్‌ విజ్ఞాన కేంద్రం ఏర్పాటుకు ప్రణాళికలు సిద్ధం చేశామన్నారు. అంతేకాకుండా రొబోటిక్‌ కాంప్స్‌, సైంటఫిక్‌ క్యాంప్స్‌, లీడర్‌షిప్‌ క్యాంప్స్‌, బుక్‌ రైటింగ్‌ క్యాంప్స్‌, ఫిలిం ఆక్టింగ్‌ క్యాంప్స్‌ కూడా నిర్వహించడానికి ప్రణాళికలు రూపొందిస్తున్నామన్నారు. సైకాలజిస్టు డాక్టర్‌ వీరేంద్ర విద్యార్థులు`తల్లిదండ్రుల పాత్రపై ూపన్యాసం అందరినీ ఆకట్టుకుంది. అనంతరం పూర్వవిద్యార్థులతో ఆర్‌ఎస్‌ ప్రవీణ్‌కుమార్‌ సంభాషించారు.  ఈ కార్యక్రమంలో ఎపిఆర్‌ఎస్‌డబ్యుఆర్‌ కన్వీనర్‌ విమల కుమారి, మహమ్మద్‌ ఇర్ఫాన్‌, సోషల్‌వెల్ఫేర్‌ డిడి శోభా రాణి, డాక్టర్‌ సి వీరేంద్ర, గీతావాణి, ప్రస్తుత, పూర్వ విద్యార్థులతోపాటు, వారి తల్లిదండ్రులు, ూపాధ్యాయులు, సిబ్బంది పాల్గొన్నారు. 

స్వారోస్‌ నెట్‌వర్క్‌ను పెంచాలి: ఆర్‌ఎస్‌ ప్రవీణ్‌

            ఆంధ్రప్రదేశ్‌ సాంఘిక సంక్షేమ శాఖ గురుకుల విద్యాసంస్థల పూర్వ విద్యార్థుల ( ఎస్‌డబ్ల్యుఎఇఆర్‌ఓఇఎస్‌) స్వారోస్‌ నెట్‌వర్క్‌ను పెంచాలని ప్రభుత్వ కార్యదర్శి ఆర్‌ఎస్‌ ప్రవీణ్‌కుమార్‌ సూచించారు. కర్నూలులో స్వారోస్‌తో ఆయన సమావేశమయ్యారు. ప్రతి ఒక్కరితో మాట్లాడి సమస్యలు, సాధించిన విజయాలను తెలుసుకున్నారు. స్వారోస్‌ నెట్‌ వర్క్‌ ప్రాధాన్యతను తెలుపుతూ ఇజ్రాయిల్‌ దేశంలోని యూదులు నెట్‌వర్క్‌తో ప్రపంచ రికార్డులు సృష్టించారని తెలిపారు.ఉన్నతస్థితికి ఎదిగిన వారు అట్టడుగున ూన్నవారికి శక్తి మేకరకు సహకరించాలని చెప్పారు. కుల, ప్రాంతీయ బేధాలు లేకుండా తోటివారికి  మేలు చేయడమే స్వారోస్‌ ప్రదాన లక్ష్యమని చెప్పారు.  ఇప్పటికీ తెలంగాణా, ఆంధ్ర జిల్లాల్లో స్వారోస్‌ కార్యక్రమాలు చేస్తున్నారని, రాయలసీమలో కూడా విస్తరించాలని సూచించారు. ఈ కార్యక్రమంలో స్వారోస్‌ రాష్ట్ర అధ్యక్షులు కన్నారపు ూపేందర్‌, ఫ్రధాన కార్యదర్శి దామోదర్‌రావు, కోశాధికారి సుధాకర్‌, సహాయ కార్యదర్శి స్వాములు పాల్గొన్నారు. సుబ్బయ్య ప్రవీణ్‌కుమార్‌పై రాసిన  కవితను అందజేశారు. స్వారోస్‌ కార్యక్రమాలు నచ్చి సహకరిస్తున్న ఇంజనీరింగు విద్యాసంస్థల అధినేత సతీష్‌, బాలకృష్ణ, మరి కొందరు పోలీసు అధికారులను స్వారోస్‌కు ప్రవీణ్‌కుమార్‌ పరిచయం చేశారు.

సంక్రాంతి శుభాకాంక్షలు

నూతన ఆంగ్ల సంవత్సర శుభాకాంక్షలు

26న కేజ్రివాల్‌ ప్రమాణం

                 2013 డిసెంబర్‌ 26న అరవింద్‌కేజ్రీవాల్‌ ఢిల్లీ ముఖ్యమంత్రిగా ప్రమాణస్వీకారం చేయనున్నారు. కేజ్రివాల్‌ మంత్రివర్గం కూడా ఖరారైనట్లు సమాచారం.  గిరీష్‌ సోని, సతేందర్‌జైన్‌, సురభ్‌ భరద్వాజ్‌, సోమనాథ్‌ భారతి, మనీష్‌ సిసోడియా, రాఖీ బిర్లా తదితర ఆరుగురు సభ్యులకు  తొలివిడతగా స్థానం లభించినట్లు ఆ పార్టీ వర్గాల కథనం. ఈ నెల 26న రామ్‌లీలా మైదానంలో జరిగే ప్రమాణస్వీకారోత్సవంలో కేజ్రీవాల్‌తో పాటు మంత్రులూ ప్రమాణం చేయనున్నారు. అంతకు ముందు మంగళవారం ఉదయం ఢిల్లీ ప్రధాన కార్యదర్శి డి.ఎం.సపోలియా కేజ్రీవాల్‌ను కలిసి అధికార నివాసం, భద్రతకు సంబంధించిన విషయాలపై చర్చించారు. అయితే వ్యక్తిగత సెక్యూరిటీకి, అధికార నివాసానికి ఆయన తిరస్కరించినట్లు పార్టీ నేత శిశోడియా విలేకరులకు తెలిపారు. కాగా పోలీసులు మాత్రం ప్రోటోకాల్‌ ప్రకారం కేజ్రీవాల్‌కు జెడ్‌ కేటగిరీ భద్రత కల్పిస్తామని చెప్పినట్లు పోలీసు వర్గాల సమాచారం.

ప్రిన్సిపల్‌ సెక్రటరీగా రాజేందర్‌ కుమార్‌?

      ఢిల్లీ పగ్గాలు చేపట్టనున్న అరవింద్‌ కేజ్రీ వాల్‌కు సీనియర్‌ ఐఎఎస్‌ అధికారి రాజేందర్‌ కుమార్‌ ప్రిన్సిపల్‌ సెక్రటరీగా వ్యవహరించ ను న్నారు.  47 ఏళ్ల కుమార్‌ ప్రస్తుతం ఉన్నత విద్యాశాఖ కార్యదర్శిగా విధులు నిర్వహిస్తున్నారు.

బిజెపి ఆగ్రహం

           కేజ్రివాల్‌ కాంగ్రెస్‌తో జతకట్టి ప్రభుత్వాన్ని ఏర్పాటు చేయడంపట్ల బిజెపి ఆగ్రహం వ్యక్తం చేసింది.ఢిల్లీ ఎన్నికల్లో ఎక్కువ అసెంబ్లీ సీట్లు గెలుచుకున్న బిజెపికి ప్రభుత్వ ఏర్పాటుకు కావల్సిన సీట్లు రాలేదు. మొత్తం 70 అసెంబ్లీస్థానాలకు ప్రభుత్వ ఏర్పాటుకు 36 సీట్లు రావాలి. అధికారం కోసం  పోటీపడిన బిజెపి 32, కాంగ్రెస్‌ 8, ఆమ్‌ఆద్మీ 28 , ఇతరులు రెండు స్థానాల్లో గెలుపొందారు.  అవీవినీతికి వ్యతిరేకంగా ఏర్పడిన ఆమ్‌ఆద్మీపార్టీ పదిరోజుల సమయం తీసుకుని  రెండుపార్టీల్లో ఏది ఎంత ప్రమాదకరమో అంచనా వేసింది. బిజెపి, కాంగ్రెస్‌ రెండూ ప్రమాదకరమైనవే కాని బిజెపితో పోల్చినప్పుడు కొంత తక్కువ అవినీతి, అదేవిధంగా తక్కువ ప్రమాదకరమైనది కాంగ్రెస్‌ అని నిర్ధారణకు వచ్చింది. అదే విధంగా ఎక్కువ సీట్లున్న బిజెపి మద్దతు తీసుకుంటే ఎప్పుడైనా కొందరు ఎమ్మెల్యేలను కొనేసి  ఆమ్‌ఆద్మీపార్టీని దెబ్బతీయవచ్చని ఆలోచించినట్లు కనబడుతుంది. అయితే కాంగ్రెస్‌తో జతకట్టి ప్రభుత్వం ఏర్పాటు చేయడాన్ని బిజెపి జీర్ణించుకోలేక పోతుంది.2014లో  దేశంలో జరిగే జనరల్‌ ఎన్నికల్లో కూడా బిజెపి, కాంగ్రేసేతర పార్టీలు గెలుస్తాయని గతంలో బిజెపి నేత ఎల్‌కె అద్వాని తన ట్విట్టర్‌లో పేర్కొట్లుగా జరగవచ్చనిపిస్తోంది. దేశంలో మొత్త 28 రాష్ట్రాలుంటే 13 రాష్ట్రాల్లో కాంగ్రెస్‌ అధికారంలోఉంది. 10 రాష్ట్రాల్లో బిజెపి కాంగ్రేసేతర పార్టీలు అధికారంలో ూన్నాయి. ఐదు రాష్ట్రాల్లో మాత్రమే బిజెపి  ఉంది. బిజెపి అధికారంలోఉన్న చత్తీస్‌ఘడ్‌, గోవా రాష్ట్రాల్లో ఒకటి, రెండేసి ఎంపీలున్నాయి. ఎక్కువ ఎంపీసీట్లున్న,ఉత్తరప్రదేశ్‌, ఆంధ్రప్రదేశ్‌, పశ్చిమబెంగాల్‌, తమిళనాడు లాంటి రాష్ట్రాల్లో బిజెపికి గడ్డు పరిస్థితులేఉన్నాయి. కాబట్టి అద్వాని చెప్పినట్లే 2014 జనరల్‌ ఎన్నికల్లో కేంద్రంలో కాంగ్రెస్‌, బిజెపిల ప్రమేయం లేని ప్రభుత్వం ఏర్పడవచ్చు. 

65 పేజీలు 13 షెడ్యూళ్లు

ఆంధ్రప్రదేశ్‌ పునర్వ్యవస్థీకరణ బిల్లు స్వరూపం 

                 ఆంధ్రప్రదేశ్‌ శాసనసభలో స్పీకర్‌ నాదెండ్ల మనోహర్‌ 2013 డిసెంబర్‌ 16న ప్రవేశపెట్టిన  పునర్వ్యవస్థీకరణ బిల్లులో 65 పేజీలు, 12 భాగాలు 13 షెడ్యూల్స్‌ ఉన్నాయి. మొదటి షెడ్యూల్‌లో రాజ్యసభ సభ్యుల వివరాలు, రెండో షెడ్యూల్‌లో శాసనసభ, లోక్‌సభ నియోజకవర్గాల పునర్విభజన వివరాలు, మూడో షెడ్యూల్‌లో శాసనమండలి స్థానాల వివరాలు,  నాలుగో షెడ్యూల్‌లో శాసనమండలి సభ్యుల విభజన, ఐదో షెడ్యూల్‌లో తెలంగాణా రాష్ట్రంలోని దళిత వర్గాల వివరాలు, ఆరో షెడ్యూల్‌లో తెలంగాణా రాష్ట్రంలోని గిరిజన వర్గాల వివరాలు, ఏడో షెడ్యూల్‌లో నిధులు, ఎనిమిదో షెడ్యూల్‌లో పింఛన్ల వివరాలు, తొమ్మిదో షెడ్యూల్‌లో ప్రభుత్వ రంగ సంస్థలు, కార్పొరేషన్ల వివరాలు, 10 షెడ్యూల్‌లో రాష్ట్ర స్థాయి సంస్థలకు సంబంధించిన వివరాలు, 11 షెడ్యూల్‌లో నదీజలాల నిర్వహణ బోర్డుల విధివిధినాలు, 12వ షెడ్యూల్‌లో బొగ్గు, విద్యుత్‌ విధివిధానాలు, 13వ షెడ్యూల్‌లో విద్య మౌలిక సదుపాయాల అంశాలు ఉన్నాయి. రాష్ట్ర పునర్వ్యస్థీకరణ బిల్లు అసెంబ్లీకి వచ్చింది. బిల్లు ప్రతులు ఎమ్మెల్యేలకు , ఎమ్మెల్సీలకు అందాయి. 17న జరిగిన బిఎసిలో 18, 19 తేదీల్లో  బిల్లుపై చర్చ జరగాలని నిర్ణయించారు. 

అందులోని ముఖ్యాంశాలు: 

»10 జిల్లాలతో కూడిని తెలంగాణ రాష్ట్రం ఏర్పాటు, 

»13 జిల్లాల సీమాంధ్రతో ఆంధ్రప్రదేశ్‌ రాష్ట్రం 

» పదేళ్లు మించకుండా ూమ్మడి రాజధానిగా హైదరాబాద్‌, పదేళ్లలోపు ఆంధ్రప్రదేశ్‌కు కొత్తరాజధాని ఏర్పాటు. 

»కొత్తరాజధానిపై నిఫుణుల కమిటీ ఏర్పాటు. 

»నిఫుణుల కమిటీ బిల్లు పాసైన 45 రోజుల్లో రాజధాని ఏర్పాటుకు సంబంధిత నివేదిక అందించనుంది.

» పదేళ్ల తరువాత తెలంగాణకు రాజధానిగా హైదరాబాద్‌.

» ప్రస్తుత గవర్నరే రెండు రాష్ట్రాలకు ూమ్మడి గవర్నర్‌గా కొనసాగింపు.

» గవర్నర్‌ పరిధిలోనే శాంతిభద్రతలు, రెవెన్యూ ప్రభుత్వ భవనాలు ూంటాయి. 

»ఆంధ్రప్రదేశ్‌ రాష్ట్రంలో 175 అసెంబ్లీస్థానాలు, 25 పార్లమెంటుసీట్లు, 50 మంది ఎమ్మెల్సీలు.

» తెలంగాణకు 119 అసెంబ్లీస్థానాలు, 17 ఎంపీసీట్లు, 40 మంది ఎమ్మెల్సీలు.

»ఆంధ్రప్రదేశ్‌కు కొత్త హైకోర్టు ఏర్పాటు. 

»అప్పటి వరకు ూమ్మడిగానే ప్రస్తుత హైకోర్టు.

» అనంతరం ఇది తెలంగాణకు చెందుతుంది. 

»మూడేళ్లపాటు పోలీస్‌ట్రైనింగుసెంటర్‌ కేంద్రం పరిధిలో ూంటుంది. 

»మరోవైపు ఆంధ్రప్రదేశ్‌లో కొత్త ట్రైనింగు సెంటర్‌ ఏర్పాటు చేస్తారు. 

»నదీజలాల నిర్వహణకు కేంద్ర ూన్నతస్థాయి మండలి ఏర్పాటు. 

»ఈ మండలంలో సభ్యులుగా కేంద్ర మంత్రి, ఇరు ప్రాంత సిఎంలు ూంటారు. 

»జాతీయ ప్రాజెక్టుగా పోలీవరం.

» ఇరు రాష్ట్రాల్లో వెనుకబడిన ప్రాంతాలకు కేంద్ర సహాయం. 

»సింగరేణి గనులు తెలంగాణకే. 

»జెన్‌కో పవర్‌ ప్లాంట్లు ఎక్కడుంటే ఆ రాష్ట్రానికి చెందుతాయి.

»ఆంధ్రప్రదేశ్‌కు ఐఐటి, ఎన్‌ఐటి, ఐఐఎం, ఐఐఎన్‌ఇఆర్‌, ట్రిపుల్‌ ఐటి, ఎయిమ్స్‌, సెంట్రల్‌ యూనివర్సిటీ, వ్యవసాయ యూనివర్సిటీ. 

»రెండు రాష్ట్రాల్లో గిరిజన యూనివర్సిటీలు ఏర్పాటు.

» కేంద్రసహకారంతో తెలంగాణాలో ఒక ూద్యానవన విశ్వవిద్యాలయం ఏర్పాటు. 

»ఆంధ్రప్రదేశ్‌లోని నెల్లూరు జిల్లా దుగ్గిరాజుపట్నం వద్ద కొత్త మేజర్‌పోర్టు నిర్మాణం చేపడుతారు. ఇది 2013 లోపు పూర్తి అవుతుంది. 

»ఖమ్మంలో స్టీల్‌ప్లాంటు  ఏర్పాటు అంశాన్ని సెయిల్‌ పరిశీలిస్తోంది. 

»ఆర్టికల్‌ 371 `డి రెండు రాష్ట్రాలకు కొనసాగింపు.

» ప్రస్తుత ఆంధ్రసర్వీస్‌కమిషన్‌  ఆంధ్రప్రదేశ్‌కే చెందుతుంది. 

»తెలంగాణాలో కొత్త సర్వీస్‌కమిషన్‌ ఏర్పాటు చేస్తారు. 

»ఆంధ్రప్రదేశ్‌  కొత్తరాజధానిలో ప్రభుత్వ ఇన్‌ఫ్రాస్ట్రక్చర్‌కు కేంద్రం ఆర్థిక సహాయం అందిస్తుంది. 

»విద్యాసంస్థలో  అడ్మిషన్‌ కోటాలు పదేళ్లపాటు యధాతథంగా ూంటాయి. 

»తెలంగాణాలోని అన్ని వెనుకబడిన ప్రాంతాలకు జాతీయ హైవే అథారిటీ ద్వారా రహదారుల నిర్మాణం కేంద్ర పరిశీలనలో పలు అంశాలు. 

» విశాఖపట్నం`చెన్నై పారిశ్రామిక కారిడార్‌ ఏర్పాటు. 

» విశాఖ పట్నం, విజయవాడ, తిరుపతి విమానాశ్రయాల విస్తరణ అంశం.  

»తెలంగాణాలో 4 వేల  మెగావాట్ల విద్యుత్‌ ూత్పత్తి ప్లాంటు నిర్మాణం. 

» ఆంధ్రప్రదేశ్‌లో కొత్తరైల్వేజోన్‌ ఏర్పాటు.

» హైదరాబాద్‌ నుంచి విడిపోయే ఆంధ్రప్రదేశ్‌  కొత్తరాజధానికి రాపిడ్‌ రెయిల్‌, రోడ్‌ కనెక్టివిటీ అంశాన్ని కేంద్రం పరిశీలన. 

రాష్ట్ర విభజనపై రాష్ట్రపతి లేఖ సారాంశమిది

                      రాష్ట్ర విభజనకు ఉద్దేశించిన ఆంధ్రప్రదేశ్‌ పునర్‌వ్యవస్థీకరణ బిల్లు`2013ను శాసనసభకు పంపుతూ భారత రాష్ట్రపతి ప్రణబ్‌ ముఖర్జీ రాసిన లేఖ   సారాంశం క్లుప్తంగా :

‘భారత ప్రభుత్వం భాగస్వాములతో విస్తృత చర్చలు, సంప్రదింపుల తరువాత , అన్ని అంశాలను పరిగణలోకి తీసుకుని ప్రస్తుత మున్న ఆంధ్రప్రదేశ్‌ రాష్ట్రాన్ని విభజించి తెలంగాణా రాష్ట్రాన్ని కొత్తగా  ఏర్పాటు చేయడానికి ‘ఆంధ్రప్రదేశ్‌ పునర్‌వ్యవస్థీకరణ బిల్లు `2013ను ప్రతిపాదించింది. తెలంగాణా రాష్ట్ర ఏర్పాటుకు సంబంధించిన అంశాలతో రూపొందించిన బిల్లును ఆచరణలో సాధ్యమైనంత త్వరగా పార్లమెంట్‌లో ప్రవేశపెట్టాల్సిఉంది. ప్రస్తుత ఆంధ్రప్రదేశ్‌ రాష్ట్రంలోని భౌగోళిక సరిహద్దులను విస్తీర్ణాన్ని ఈ బిల్లు ప్రభావితం చేస్తుంది. కొత్తగా ఏర్పడబోయే తెలంగాణా రాష్ట్రం ప్రస్తుత ఆంధ్రప్రదేశ్‌లోని కొన్ని ప్రాంతాలతో కూడి ఉంటుంది. అందువల్ల, భారత రాజ్యాంగంలోని 3వ అధికరణంను అనుసరించి, ఆంధ్రప్రదేశ్‌ పునర్‌వ్యవస్థీకరణ బిల్లు `2013ను ఆంధ్రప్రదేశ్‌ రాష్ట్ర శాసనసభ 2014 జనవరి 23వ తేది నాటికి తన అభిప్రాయాలను తెలపడానికి పంపుతున్నాను.’

                                  బిల్లు ప్రతులను చింపేసిన టిడిపి, వైఎస్‌సిపి సభ్యులు 

                   . తెలంగాణ రాష్ట్ర విభజన బిల్లు డిసెంబర్‌ 16న స్పీకర్‌ నాదేండ్ల మనోహర్‌ ప్రవేశపెట్టారు. ఈసందర్భంగా ముఖ్యమంత్రి ఎన్‌ కిరణ్‌కుమార్‌రెడ్డి, ప్రధాన ప్రతిపక్ష నాయకుడు  టిడిపి అధ్యక్షడు నారాచంద్రబాబు నాయుడు కూడా లేరు. సీమాంధ్ర శాసనసభ్యులు టిడిపి, వైఎస్‌ఆర్‌సి శాసనసభ, శాసనమండలిలో గందరగోళం శృష్టించారు. బిల్లు ప్రతులను చింపేశారు.  అయితే బిఎసిలో చర్చించలేదని, ముందుగా చెప్పకుండా బిల్లు పెట్టడం సరైంది కాదని వాదించారు. సీమాంధ్ర, తెలంగాణా సభ్యుల మధ్య తోపులాట జరిగింది. బిల్లు అధ్యయనానికి సమయం కావాలని సీమాంధ్ర ఎమ్మెల్యేలు కోరారు. రాత్రి పొద్దు పోయేదాకా నిరసన తెలిపారు. అసెంబ్లీలో నిరసన తెలిపిన వారిని అరెస్టు చేసి పార్టీ కార్యాలయాలకు తరలించారు. 

జ్వలించే కోరిక విజయంవైపు నడుపుతోంది

                        

   ఎక్సలెన్స్‌ లీడర్‌షిప్‌ అకాడమీ డైరెక్టర్‌ కొండా చంద్రారెడ్డి

                      లక్ష్యాన్ని నిర్దేశించుకుని జ్వలించే కోరికతో ముందుకు పోతే విజయం మనదవుతుందని  ఎక్సలెన్స్‌ లీడర్‌షిప్‌ అకాడమీ డైరెక్టర్‌ కొండా చంద్రారెడ్డి సూచించారు. లక్ష్యాన్ని  చేరడానికి సాధన ఒక్కటే మార్గమని  అన్నారు. హైదరాబాద్‌లో 2013 నవంబర్‌ 28న ప్రజాశక్తి సబ్‌ఎడిటర్ల  శిక్షణాతరగతుల్లో ఆయన మాట్లాడారు. నిబద్దతతో పనులు చేసినప్పుడు మార్గం సుగమమవుతుందని చెప్పారు. ఏదయినా సాధించడానికి నడవడిక సరయినదయి ూండాలని తెలిపారు. క్రమ పద్దతిలో  సమయాన్ని సద్వినియోగం  చేసుకుంటే జ్ఞానం వికసించి వృత్తిలో  నైపుణ్యంపెరుగుతుందని సూచించారు. డబ్బు, సమయం, ప్రభుత్వ ప్రోత్సాహం తదితరాలు లేవని నిరుత్సాహ పడటం సరైంది కాదని అన్నారు. ఇప్పటి వరకు పేదలు నివసించే ప్రాంతాల్లో, విద్య, వైద్య ప్రభుత్వ రంగ సంస్థలతో అనుబంధంగా పని చేసి పేదలు అభివద్ధి వారిసాధికారతకు కావల్సిన సూచనలు చేశామని తెలిపారు. అంతే కాకుండా వారు సంతోషంగా, ూత్సాహంగా  జీవించడానికి సాధ్యమయ్యేలా తన వంతు కృషి చేశానని చెప్పారు. మీ సంస్థలో మీరు విజయం సాధించడానికి , సంస్థను ముందుకు తీసుకుపోవడానికి లక్ష్యాలను నిర్దేశించుకుని వాటిని చేరడానికి క్రమపద్దతిలో సాధన ఒక్కటే మార్గమని వివరించారు.  ప్రపంచ ప్రఖ్యాతి గాంచిన పలువురు విజేతలు, విజ్ఞులు వారు సాధించన విజయాలు , అందుకు సహకరించిన ూపకరణాలను వివరించారు. అంతే కాకుండా వారు కఠోర సాధనతో ఎలా పేరు ప్రతిష్టలు పొందారో తెలిపారు.

మోడి విజయం ఇదే....

 

స్టాట్యూ ఆఫ్ యూనిటీ పేరుతో గుజరాత్ లో సర్ధార్ వల్లభాయ్ పటేల్ విగ్రహాన్ని భారీ స్థాయిలో నెలకొల్పుతున్నారు. దీనిఎత్తు స్టాట్యూ ఆఫ్ లిబర్టీ కన్నా రెట్టింపు వుంటుంది. దీనికయ్యే ఖర్చు అక్షరాలా 2074 కోట్లు. అంటే చంద్రమండల యాత్రకు లేదా ఈ వారం జరగనున్న అంగారక గ్రహయాత్రకు అయ్యే ఖర్చుకన్నా ఐదురెట్లు ఎక్కువ. పోనీయండి ఇదొక పర్యాటక ఆకర్షణగా వుంటుందని సరిపుచ్చుకుందాం. కానీ సర్ధార్ పటేల్ మ్యూజియం మౌళిక వసతులు లేక మూతపడింది. కేవలం కొన్ని లక్షల రూపాయిలు మాత్రం ఖర్చుపెడితే దీన్ని తెరిపించవచ్చు అదే విధంగా సర్ధార్ పటేల్ చదివిన పాఠశాలకు కేవలం పదిహేను లక్షల రూపాయిల నిధులివ్వమని పటేల్ ట్రస్ట్ యాజమాన్యం అడిగితే గుజరాత్ ప్రభుత్వం తిరస్కరించింది. నిధుల్లేవని సమాధానం చెప్పింది. గాంధీ మహాత్మునికి వున్న అది పెద్ద విగ్రహం ఇటీవల పాట్నాలో నెలకొల్పిన 70 అడుగుల విగ్రహమే కానీ మోడీ సర్కార్ ఏర్పాటు చేస్తున్న పటేల్ విగ్రహం ఎత్తు 392 అడుగులు పటేల్ పై నిజంగానే అభిమానం వుంటే ఆయన మ్యూజియం కో పాఠశాలకూ నిధులు లేవంటారా? ఈ విగ్రహం నెలకొల్పుతున్నట్లు గుజరాత్ ప్రభుత్వం జాతీయ వార్తా పత్రికలలో, టెలివిజన్ ఛానల్స్ లో భారీ వ్యాపార ప్రకటనలను ఇచ్చింది. ఇదంతా చూస్తే పటేల్ పై ప్రేమకన్నా ఆయన విగ్రహం ఎంత ఎత్తుగా వుంటే అంత ఎత్తుగా తన పలుకుబడి పెంచుకోవచ్చన్న నరేద్ర మోడీ లక్షమే కనిపిస్తోంది.

దేవాలయాల కన్నా ముందు మరుగుదొడ్లు నిర్మించాలని అనవసరంగా పోల్చారు ఇటావల నరేంద్ర మోడీ. మరి మరుగుదొడ్లు లేని దేశంలో విగ్రహాలు కావాలా? దేవాలయాల కన్నా విగ్రహాలే పవిత్రమా? విగ్రహాల కన్నా మీడియాలో అడ్వర్టైజ్ మెంట్లు ముఖ్యమా?